અને પોતાની લડાઈ

અને ફરી એક વાર પોતાની સાથે પોતાની જ લડાઈ 
બધું જ ભૂલી જવાય છે જ્યારે પોતાને મળાય છે 
બધું જ સમજીને પણ નથી સમજાતું જ્યારે પોતાને મળાય છે 

બહું પ્રયત્નો કર્યા કે આજે તો નથી મળવું પણ એમ કઇ માની લેવાય છે 

અને આજે ફરી એક વાર પોતાની સાથે પોતાની જ લડાઈ 
ઘણું મનાવી લેવાયું પણ એમ ક્યાં માની લેવાય છે 
ઘણું રેહવા દીધું પણ એમ ક્યાં રાખી મુકાય છે 
બહું સમય કાઢ્યો કે આજે તો વાત નથી કરવી પણ એમ ક્યાં માની લેવાય છે 

અને ફરી એક વાર પોતાની સાથે જ પોતાની વાત 
કેમ કરતાંય રોકી રાખ્યું હતું પણ એમ ક્યાં રોકાય છે 
કેમ કરતાંય અટકી ગઈ હતી હું પણ એમ ક્યાં અટકાય છે 

બહું ઊભી રહી કે આજે તો નથી જ જવું એ પાર પણ એમ ક્યાં ઊભી રહી જવાય છે 

અને ફરી એક વાર પોતાની સાથે પોતાની જ આંખોથી વાત 

અટકાવી હતી એને બોલતા મેં પણ એમ ક્યાં એ માને છે 

અટકાવી હતી એને મે રડતાં પણ એમ ક્યાં એ માને છે 

બહું બંધ રાખીને જોયું આંખો આજે પણ એમ ક્યાં એ માની જાય છે  

આમ જોવો તો કંઈ નથી ને આમ જોવો તો ઘણું બધું છે 

આમ એક આખી દુનિયા એમાં છે ને આમ જોવો તો એક ખાલી એહસાસ 

બધું જ સ્વીકાર્યા પછી પણ કેમ જાણે નથી ગમતી આ પોતાનાથી પોતાની લડાઈ 

અને આજે ફરી એક વાર પોતાની સાથે જ પોતાની લડાઈ